कृषी पुरस्कार प्राप्त शेतकरी संघाची जिल्हा कार्यकारणी जाहीर

नवा भारत न्यूज / कोल्हापूर
शासकीय कृषी पुरस्कार प्राप्त शेतकरी संघाच्या कोल्हापूर जिल्हा कार्यकारणीची नवी निवड नुकतीच पार पडली.
जिल्हाध्यक्षपदी कृषीभूषण मच्छिंद्र शिवराम कुंभार (रा. पेठवडगाव, ता. हातकणंगले) यांची निवड झाली. उपाध्यक्षपदी कृषीभूषण आप्पासाहेब पांडुरंग पाटील (रा. सांगावं, ता. कागल) यांची तर सचिवपदी शेतीमित्र पुरस्कार प्राप्त श्री.शरद ज्ञानदेव देवेकर (रा. बसरेवाडी, ता. भुदरगड) तर कार्यकारीणी कमिटीमध्ये श्री. कृष्णात जरग ( म्हसवे) श्री. गणपती शेणवी ( सोनारवाडी ) श्री. प्रकाश पाटील ( चंदगड) श्री.महानंद पाटील (मुरगुड) श्री. दिलीप चौगुले ( हरपवडे) श्री. प्रकाश देसाई (करवीर) श्री. शरद पाटील (तासगाव) यांची निवड करण्यात आली. या निवडी शेतकरी संघाचे राज्याध्यक्ष कृषीभूषण ऍड. प्रकाश भुता पाटील व राज्य उपाध्यक्ष कृषीभूषण सर्जेराव पाटील यांच्या मार्गदर्शनाखाली करण्यात आल्या.राज्य पातळीवरील सुमारे ८०० तर कोल्हापूर जिल्ह्यातील ६५ शेतकरी या संघात सदस्य म्हणून कार्यरत आहेत. हा शेतकरी संघ राज्य शासन व शेतकरी यांच्या मधील समन्वयक म्हणून कार्य करत आहे.

या शेतकरी संघाच्या माध्यमातून जिल्ह्यातील शासकीय कृषी पुरस्कार प्राप्त शेतकऱ्यांचे मार्गदर्शन इतर शेतकऱ्यांना मिळावे . तसेच शेतकऱ्यांचे प्रश्न, मागण्या व योजना अधिक प्रभावीपणे शासनदरबारी मांडल्या जातील. असा विश्वास नव्याने नियुक्त पदाधिकाऱ्यांनी व्यक्त केला आहे. संघाच्या माध्यमातून प्रगतशील शेती पद्धती, आधुनिक तंत्रज्ञान, पिक विविधता व शाश्वत शेतीच्या दिशेने प्रयत्न सुरू राहणार आहेत.असे संघाचे राज्याध्यक्ष कृषीभूषण ऍड. प्रकाश भुता पाटील व राज्य उपाध्यक्ष कृषीभूषण सर्जेराव पाटील यांनी सांगितले.