दिवाळीत आपल्या कर्मचाऱ्यांना तब्बल ५१ एसयूव्ही गाड्या भेट एम. के. भाटियांची ‘हाफ सेंच्युरी’ भेट चर्चेत
दिवाळीत आपल्या कर्मचाऱ्यांना तब्बल ५१ एसयूव्ही गाड्या भेट एम. के. भाटियांची ‘हाफ सेंच्युरी’ भेट चर्चेत :
चंदीगडमधील एमआयटीएस (MITS) हेल्थकेअर समूहाचे संस्थापक एम. के. भाटिया यांनी यंदाच्या दिवाळीत आपल्या कर्मचाऱ्यांना तब्बल ५१ एसयूव्ही गाड्या भेट देऊन सर्वांनाच आश्चर्यचकित केले आहे. या घटनेची विश्वासार्ह माध्यमांनीही पुष्टी केली आहे.
दिवाळी स्पेशल: एन वाय नवा भारत डिजिटल न्यूज नेटवर्क
हेल्थकेअर उद्योजक आणि समाजसेवक एम. के. भाटिया यांनी पंचकुला येथील कार्यालयात कर्मचाऱ्यांना महिंद्रा स्कॉर्पिओ मॉडेलच्या ५१ नवीन गाड्या सुपूर्द केल्या . भाटिया यांच्या मते हा “हाफ सेंच्युरी” म्हणजे सलग तीन वर्षातील कार गिफ्ट परंपरेचा टप्पा आहे. त्यांनी LinkedIn पोस्टमध्ये लिहिले की, “गेल्या दोन वर्षांपासून आम्ही आमच्या उत्कृष्ट परफॉर्मर्सना कार भेट देऊन आनंद साजरा करत आलो आहोत आणि यंदाही हा उत्सव सुरू आहे.” कर्मचाऱ्यांना म्हटलं ‘रॉकस्टार सेलिब्रिटी’भाटिया यांचं विधान होतं, “मी माझ्या कर्मचाऱ्यांना कधीही स्टाफ म्हणून पाहिलं नाही. ते माझ्या जीवनातील रॉकस्टार आहेत, जे आपल्या मेहनतीमुळे प्रत्येक क्षण ब्लॉकबस्टर बनवतात.” याच कार्यक्रमात कंपनीने शोरूमपासून एमआयटीएस हाऊस कार्यालयापर्यंत ‘कार गिफ्ट रॅली’ आयोजित केली होती . त्यांच्या या उपक्रमाचे व्हिडिओ सोशल मीडियावर व्हायरल झाले आहेत.
सामाजिक माध्यमांवरील प्रतिक्रिया : इंटरनेटवर अनेकांनी भाटिया यांच्या उदारतेची प्रशंसा केली. काहींनी विनोदीपणे लिहिले, “माझ्या कंपनीत आम्हाला फक्त चार दिवे आणि ड्रायफ्रुट्स मिळाले, पण इथे तर पूर्ण Scorpio!” तर काहींनी विचारलं, “कोई स्कोप है क्या कंपनी में जॉइन करने का?” काहींनी मात्र अशा महागड्या भेटींचा खर्च आणि उद्दिष्ट यावर प्रश्नच उपस्थित केले.
सलग तीन वर्षांपासून अशी भेट भाटिया यांनी मागील दोन वर्षांत अनुक्रमे १२ आणि १५ गाड्या कर्मचाऱ्यांना भेट म्हणून दिल्या होत्या . त्यांनी सांगितले की, कंपनीतील कर्मचाऱ्यांच्या निष्ठा आणि प्रामाणिकतेमुळेच संस्थेचा विस्तार जागतिक पातळीवर झाला आहे. त्यांच्या म्हणण्यानुसार, ही भेट कौतुकापेक्षा बंध अधिक मजबूत करण्याचा प्रयत्न आहे.
एमआयटीएस ग्रुपच्या या दिवाळी भेटीने केवळ कॉर्पोरेट जगतातच नव्हे तर सामान्य जनतेतही चांगली चर्चा निर्माण केली आहे. एम. के. भाटिया यांच्या या कृतीने भारतीय उद्योगात कर्मचाऱ्यांबद्दलची जबाबदारी आणि कृतज्ञतेचा आदर्श निर्माण केला आहे.
