HSRP नंबर प्लेटला शेवटची मुदतवाढ:
या तारखेनंतर होणार कारवाई:

मुंबई: एन वाय नवा भारत डिजिटल न्यूज नेटवर्क
दिनांक एप्रिल 2019 पूर्वी नोंदणी केलेल्या सर्व वाहनांना उच्च सुरक्षा नोंदणी क्रमांक (HSRP)पाटी बसवण्यासाठी जुन्या वाहनांना यापूर्वी 15 ऑगस्ट 2025 पर्यत मुदत देण्यात आली होती. मात्र अजूनही अनेक वाहनांना नवी नंबर प्लेट बसवणे बाकी असल्याने राज्य शासनाने या निर्णयाला आता ३० नोव्हेंबर २०२५ पर्यंत अंतिम मुदतवाढ देण्यात आली आहे.यामुळे अनेक वाहनधारकांना दिलासा मिळाला आहे.

वाहन मालकांनी वाहनांवर उच्च सुरक्षा नोंदणी क्रमांक (एचएसआरपी) बसविण्यासाठी परिवहन विभागाच्या http://transport.maharashtra.gov.in या संकेतस्थळावर जाऊन उच्च सुरक्षा नोंदणी क्रमांक पाटी बसविण्याकरिता ३० नोव्हेंबर २०२५ पर्यंत अपॉईंटमेंट घ्यावी. त्यानंतर उच्च सुरक्षा नोंदणी क्रमांक पाटी (एचएसआरपी) न बसविणाऱ्या वाहनांवर १ डिसेंबर २०२५ नंतर वायुवेग पथकाद्वारे नियमांनुसार कारवाई करण्यात येणार आहे. तथापि, दिनांक ३० नोव्हेंबर, २०२५ पर्यंत एचएसआरपी बसविण्यासाठी अपॉइंटमेंट मिळालेल्या वाहनांवर कोणतीही कारवाई करण्यात येणार नाही असे परिवहन आयुक्त शैलेश कामत यांनी सांगितले आहे.

मात्र 1 डिसेंबर नंतर HSRP शिवाय असणार्‍या वाहनांना दंड व इतर कारवाईचा सामना करावा लागेल.