राष्ट्रपतींच्या हेलिकॉप्टरची चाके रुतली सुदैवाने दुर्घटना टळली- केरळच्या प्रमादम येथे घडली घटना

राष्ट्रपतींच्या हेलिकॉप्टरची चाके रुतली; सुदैवाने दुर्घटना टळली: केरळच्या प्रमादम येथे घडली घटना

वृत्तसंस्था/एन वाय नवा भारत डिजिटल न्यूज नेटवर्क

राष्ट्रपतींच्या हेलिकॉप्टरची चाके रुतण्याची घटना ही केरळ राज्यातील पथनमतिट्टा जिल्ह्यात प्रमदम या ठिकाणी राजीव गांधी इनडोअर स्टेडियमजवळ नूतन कांक्रिटच्या हेलिपॅडवर घडली. राष्ट्रपती द्रौपदी मुर्मू आपल्या केरळ दौऱ्यादरम्यान शबरीमला यात्रेसाठी सकाळी हेलिकॉप्टरने येथे दाखल झाल्या. लँडिंग होताच हेलिकॉप्टरचे चाक कच्च्या आणि पूर्णपणे न सुकलेल्या काँक्रीटमध्ये रुतले. घटना घडताना राष्ट्रपती सुरक्षितपणे हेलिकॉप्टरमधून बाहेर पडल्या व पुढील दौऱ्यावर रवाना झाल्या.

 हेलिपॅडचे बांधकाम मुळात रात्रीच्या वेळेस तातडीनं सुरू केले गेले होते, कारण हवामानामुळे मूळ नियोजित जागा बदलण्यात आली होती आणि ही नवीन जागा तातडीने निवडली गेली.काँक्रीट पडून काही तासच झाले होते, त्यामुळे पृष्ठभाग पूर्णपणे सुकला नव्हता आणि हेलिकॉप्टरच्या वजनाचा ताण सहन न झाल्यामुळे चाक रुतले.पोलीस आणि अग्निशमन दलाच्या जवानांनी तत्काळ मदत केली आणि हेलिकॉप्टर सुरक्षितरित्या बाहेर काढण्याची व्यवस्था केली

 हा प्रसंग आपत्कालीन होता, पण कोणतीही जीवितहानी किंवा नुकसान झाले नाही.स्थानिक प्रशासन, वायुसेना आणि राष्ट्रपती भवन यांनी घटनेची सखोल चौकशी सुरू केली आहे आणि सुरक्षाव्यवस्थेतील ढिलाईवर प्रश्न उपस्थित केले आहेत. 

अशा उच्चस्तरीय दौऱ्यामध्ये स्थलनिवड आणि पायाभूत सुविधा पूर्णपणे परीक्षण करणे किती महत्त्वाचे आहे, हे या घटनेमुळे अधोरेखित झाले आहे. भविष्यात अशा बाबतीत चुकांची पुनरावृत्ती होऊ नये म्हणून नियोजनात अधिक काटेकोरपणा आणण्याची गरज प्रशासनाने मान्य केली आहे.