जीमेलवर वर नाव बदलायचे आहे?जाणून घ्या ही सोपी पद्धत — मोबाईल ॲपवर ही सोय नाही!

जीमेलवर वर नाव बदलायचे आहे?जाणून घ्या ही सोपी पद्धत — मोबाईल ॲपवर ही सोय नाही!

टेक न्यूज : एन वाय नवा भारत डिजिटल न्यूज नेटवर्क

आजच्या डिजिटल काळात आपले बहुतांश व्यवहार, संवाद आणि कामकाज ‘जीमेल’वरूनच सुरू होतात. ऑफिसमध्ये मेल पाठवणे असो किंवा ऑनलाईन फॉर्म सबमिट करणे, जीमेल आयडी हे प्रत्येकाचं ओळखपत्रच झालं आहे. पण लग्नानंतर आडनाव बदलायचं असेल, व्यावसायिक ओळखीसाठी नाव अपडेट करायचं असेल किंवा फक्त आपला डिजिटल प्रोफाइल थोडा सुधारायचा असेल, तर नेहमीसारखं सोपं नसतं—कारण मोबाईल ॲपमधून ते शक्यच नाही!होय, जीमेल ॲपवरून तुम्हाला केवळ मेल वाचता आणि पाठवता येतात. मात्र प्रोफाइलवरील नाव बदलायचं असेल, तर तुम्हाला कॉम्प्युटर किंवा लॅपटॉपवरूनच Gmail च्या सेटिंगमध्ये जावं लागतं. गूगलने ही सुविधा केवळ डेस्कटॉप आवृत्तीत उपलब्ध करून दिली आहे.तर पाहा, ही आहे संपूर्ण प्रक्रिया:

सर्वप्रथम, तुमच्या कॉम्प्युटरवर Gmail उघडा आणि तुमच्या खात्यात लॉग-इन करा. त्यानंतर वरच्या उजव्या कोपऱ्यातील गिअरच्या आकाराचा ‘Settings’ आयकॉन निवडा. लगेच ‘See all settings’ हा पर्याय दिसेल; त्यावर क्लिक करा. आता वरच्या पट्टीत ‘Accounts and Import’ किंवा काही वेळा फक्त ‘Accounts’ नावाचा टॅब दिसेल. त्यावर जा.या टॅबखाली ‘Send mail as’ असा विभाग असेल. त्याच्या शेजारील ‘Edit info’ हा पर्याय निवडल्यावर एक छोटं विंडो उघडेल. येथे तुम्हाला हवं असलेलं नवीन नाव टाका — जसं ‘लीसा ब्राऊन’ ऐवजी ‘लीसा जोन्स’ लिहायचं असेल तसं. शेवटी ‘Save changes’ वर क्लिक करताच तुमचं नाव जीमेल मध्ये अधिकृतरीत्या बदलेल.

विशेष बाब म्हणजे नाव बदलल्यानंतर तुम्ही पाठवलेल्या ईमेलमध्ये समोरच्या व्यक्तीला तुमचं नवीन नावच दिसेल. ईमेल आयडी मात्र जसाच तसाच राहील — फक्त नाव अपडेट होईल. यामुळे तुमची व्यावसायिक ओळख आणि व्यक्तिमत्त्व जीमेलवर अधिक व्यवस्थित आणि सुसंगत दिसेल.

आजच्या डिजिटल जगात प्रोफाइल अपडेट ठेवणं म्हणजे व्यक्तिमत्त्व व्यवस्थित मांडण्याची एक नवी ओळख झाली आहे. म्हणूनच जीमेल मधील ही छोटी पण उपयुक्त ट्रिक प्रत्येकाने जवळ ठेवावी.